پاکستان کے وزیر اعظم عمران خان نے یہ دعوی کرتے ہوئے چین میں ایغور مسلمانوں کی نسل کشی کی اطلاعات پر اپنی خاموشی کا دفاع کیا ہے اور کہا ہے کہ اسلام آباد نے بند دروازوں کے پیچھے بیجنگ کے ساتھ اس طرح کے معاملات پر تبادلہ خیال کیا ہے۔ انہوں نے اکسیوس ایچ بی او کو انٹرویو دیتے ہوئے پوچھا کے دنیا سنکیانگ کے ساتھ اس قدر مشغول کیوں ہے؟ انٹرویو لینے والے نے خصوصی طور پر پوچھا کہ خان مغرب میں اسلامو فوبیا کے بارے میں اتنے مخلص رہتے ہیں جبکہ وہ چین کے سنکیانگ میں مسلمانوں کی حیثیت پر خاموشی کیوں اختیار کر لیتے ہیں؟ عمران خان نے مغرب کی جانب سے ایغور کے مسئلے کو “منافقت” کے طور پر اٹھانا قرار دیا۔ خان نے مزید کہا ، “چین نے ہمیں آگاہ کیا تھا کہ میڈیا میں ایغوروں کے ساتھ ہونے والی زیادتیوں کو بڑھا چڑھا کر پیش کیا گیا ہے۔” چین ، سنکیانگ ، اور ایغور مسلمانوں کے ساتھ سلوک کے بارے میں ان کے تبصروں نے سوشل میڈیا پر ایک بحث کو جنم دے دیا ہے ، جس میں بہت سے نیٹییزین نے ان کے تبصرے کو تنقید کا نشانہ بنایا ہے۔ کچھ نے تبصرے کو “مکمل اخلاقی بزدلی” بھی کہا ہے ۔ خواتین کے بارے میں خان کے بیانات کو بھی تنقید کا نشانہ بنایا گیا۔ انہوں نے کہا تھا کہ خواتین کے پہناوے سے مردوں کو عقصایا جاتا ہے اور یہ پاکستان میں خواتین پر تشدد پیدا کرنے میں کردار ادا کرتا ہے۔