امریکی قومی سلامتی کے مشیر جیک سلیوان نے کہا کہ اگر چین کوویڈ – 19 وبائی بیماری کا باعث بنے اس وائرس کی ابتدا میں اپنے علاقے پر “حقیقی” تحقیقات کی اجازت دینے میں ناکام رہا تو چین بین الاقوامی سطح پر درکنار کیے جانے کا خطرہ مول لے گا۔ سلیوان کے تبصرے سے پہلے گذشتہ ہفتے امریکی صدر جو بائیڈن سمیت سات رہنماؤں کے گروپ کی جانب سے آواز اٹھائی گئی کہ یہ جاننا ضروری ہے کہ اس وائرس کی ابتداء کیسے ہوئی ۔ بائیڈن نے گذشتہ ماہ امریکی انٹلیجنس کارکنوں کو حکم دیا تھا کہ وہ اس بات کا تعین کرنے کی کوششوں کو ‘دوگنا’ کرے کہ کورون وائرس کہاں سے آیا ہے اور 90 دن میں انکو اپنی معلومات کے بارے میں اطلاع کریں ۔ سلیوان نے ایک انٹرویو میں کہا کے اُنکا مقصد “چین کو ایک مکمل انتخاب کے ساتھ پیش کرنا ہے: یا تو وہ ذمہ دارانہ انداز میں تفتیش کاروں کو یہ معلوم کرنے کی اجازت دیں گے کہ یہ وائرس کہاں سے آیا ہے ، یا انہیں بین الاقوامی برادری میں درکنار ہونے کا سامنا کرنا پڑے گا۔” چین نے اس نظریہ کو مسترد کرنے کی کوشش کی ہے کہ یہ وائرس چینی شہر ووہان میں ایک لیب میں پیدا ہوا تھا جہاں پہلے کیس سامنے آئے تھے۔ سلیوان نے سی این این پر کہا ، “ہم اس وقت دھمکیوں یا الٹی میٹم جاری کرنے والے نہیں ہیں۔ اگر چین اپنی ذمہ داریوں پر قائم نہیں رہتا ہے تو ، “ہمیں اس وقت اپنے ردعمل پر غور کرنا ہوگا اور ہم اتحادیوں اور شراکت داروں کے ساتھ مل کر کام کریں گے۔” سلیوان نے کہا ، “ہم چین کی نہ کو آسانی سے قبول نہیں کریں گے۔”